Ustaixa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Ustaixa estió una organización ultranacionalista croata que fue fundada en 1930 por Ante Pavelić entre chóvens croatas que emigroron por motivos politicos fuera de Yugoslavia dende l'asesinato de Stjepan Radić en 1928, que yeran exposaus a lo clericalismo catolico y que decidioron prener metodos terroristas y conspirativos pa conseguir a independencia de Croacia luitando contra a dominación serbia que suposaba permanecer en Yugoslavia.^[1] Consiguioron parcialment a suya fin con l'aduya alemana y italiana en a Segunda Guerra Mundial con a formación d'o Estau Independient de Croacia, pero a derrota en l'anyo 1945 significó que o movimiento pasás a la clandestinidat y o exilio.

Si dimpués d'a formación d'o Reino d'os Serbios, Croatas y Eslovenos i heba habiu una primera emigración d'opositors croatas que treballaban pa conseguir a independencia, dimpués de l'asesinato d'o croata Stjepan Radić en o Parlamento de Belgrado y d'o establimiento d'una dictadura monarquica baixo a figura d'o rei Aleixandre I cambioron os planteyamientos en a luita contra a dominación serbia en Yugoslavia.

O movimiento fue fundau en 1930 como Ustaša – Hrvatska revolucionarna organizacija, prenendo a palabra Ustaša, que en a parla xtokavisca de Bosnia-Herzegovina que significa "rebel", "sublevau", "insurchent"^[2], palabla relacionada con o verbo ustati ("alzar-se", "levantar-se").

Os ustaixas organizoron l'asesinato d'o rei Aleixandre I en l'anyo 1934. Dimpués d'a invasión de Yugoslavia de 1941 u "guerra d'abril" as potencias de l'eixe permitioron a los ustaixas gobernar o Estau Independient de Croacia, calificau d'estau titere (de feito habió de permitir l'anexión de Dalmacia a Italia).

En a Segunda Guerra Mundial os ustaixas practicaron una brutal represión contra a minoría serbia. Prohibioron l'alfabeto cirilico y facioron unas mortaleras tan grans que impresionoron a los mesmos nazis alemans.

Os ustaixas resistioron encara dimpués d'a rendición d'Alemanya y se retiroron ta Eslovenia, a on que a la fin, o 15 de mayo de 1945 se rindioron.^[3] Ante Pavelić recibió asilo diplomatico en a Espanya franquista. O gobierno franquista acullió atros exiliaus politicos ustaixas como por eixemplo Maks Luburić,

1. ↑ (en) Jozo Tomasevich: War and Revolution in Yugoslavia, 1941-1945. Stanford University Press, 2001. p 27.
2. ↑ (es) Pablo Nieto Morejón: Vocabulario serbio+croata - castellano y viceversa. Editorial Sísifo, 2004.
3. ↑ (es) André Sellier, Jean Sellier: Atlas de los pueblos de Europa Central. Acento editorial.